DANBOR hotsa izango da gaur nagusi herriko kaleetan barrena, Santa Barbara eta Etxeberri auzoak antolatuta, Haur Danborrada izango baita. Goizeko 11:30etan hasiko dira danborrak astintzen, Santa Barbara elkartetik abiatuta. Elkartera itzuli aurretik, igaroko dituzte Urbieta, Elkano, Kardaberaz, Kale Nagusia eta Plaza.
Hamar abesti joko dituzte
Danborradan 6 eta 12 urte bitarteko 100 ume iguruk hartuko dute parte, eta ordu eta erdiko saioa egingo dute. Urteroko moduan, 10 abesti joko dituzte, eta horien artean izango dira: Donostiako Martxa eta Tatiago, Hernaniko, Santa Barbarako eta Etxeberriko martxak, eta Preskuarena eta Katiuska.