Zapi berde eta arroxak lepoetan dira!

Hasi dira San Joanak! Udal Musika Eskolak eman zion hasiera ofiziala festei, atzo eguerdian, txupinazoa botata. Gudarien plaza beteta zegoela piztu zuen Joxan Goikoetxeak jai hasierako suziria, aurten 25 urte betetzen dituen Musika Eskolaren izenean, eta eskolako gainerako irakasle eta langileak ere, jaso zuten herritarren eta udal ordezkarien omenaldia. Arratsaldean haurren au­rres­kuak, Akelarreak eta San Joan suak bildu zuten jende gehien, eta ez zen jenderik faltatu beste ekitaldietan ere. Konpas ederrean hasi di­tuzte hernaniarrek jaiak, eta gaur, San Joan eguna... Her­nanik jantzi du jaietako zapia, eta gaur goizeko 09:00etatik, lau eguneko desfilea dauka aurretik. Dianak emango dio hasiera San Joan egunari. Musika Bandak eta Txistulari Bandak joko dute Hernaniko kaleetan, Mendirik Mendi doinua. Haurren danborrada ere gaur da, urtero jendetsua izaten dena. Musika eta Txis­tu­la­ri Banden kontzertuak, dantza suelto txapelketa, kultura ar­te­ko musika emanaldia, Her­na­niko errepresaliatuen aldeko ekitaldia... su artifizialak, txaranga, dantzaldiak... eta norberak inprobisatzen duena.