Harrobi ona bezain oparoa, Hernaniko pelota eskolan

Hernaniko pelotari gazteenek bukatu dute denboraldia, joan den asteburuan beraien arteko finalak jokatuta. Benjamin eta alebin, 6 final jokatu zituzten, eta erakutsi, etorkizuna seguru dela, Hernaniko pelotarien artean. Benjaminetan: paletan, Tolosak eta Tejedorrek irabazi zuten; eskuz bigarren mailan, O.Ezeizak eta Gorrotxategik; eta eskuz lehenengo mailan, Aranburuk eta Osak. Alebinetan: paletan, Mujika eta Azkue onenak; eskuz bigarren kategorian, Sanchez eta Berasarte; eta eskuz lehenengo mailan, Sarasola eta Mendizabal.