Herriko umeek San Joan jaiak gogotik ospatzeko aukera izango dute, festek irauten duten bost egunetan denetatik egiteko aukera izango baitute. Txupinazoa bota aurretik gaur, goizeko 09:00etan, haur kategoriako marrazki lehiaketa izango da Ezkiaga pasealekuan. Arratsaldeko 17:00etan berriz, haur kategoriako karabina lehiaketaren finala jokatuko da Txantxangorri elkartean.
‘ Olinpikak’ eta danborrada, besteak beste, bihar
Bihar ere, goizean goiz, lehiaketa batean parte hartzeko aukera izango dute umeek, XXgarren amurrain lehiaketan alegia; 09:00etan.
Goizeko 11:00etan berriz, urteroko ohiturei jarraituz, danborradaren txanda izango da, Santa Barbara eta Etxeberri elkarteek antolatuta.
Arratsaldean, Hotzmuga taldeak antolatuta, Olinpikak emanaldia izango da Atsegindegin, 17:00etan hasita. Eta azkenik, Gazte Txokoak antolatuta, zinta lasterketa izango da 17:30etan, Latsunben.
Buruhaundiak eta zezen
txikiak, ostiralean
Ostiralean txu-txu trena ibiliko da herrian barrena, goizeko 10:00etan hasita. 12:00etan berriz, buruhaundi eta erraldoiak aterako dira; eta arratsaldeko 16:30etan emanaldia izango da Atsegindegin. Azkenik, 17:30etan, jendetza biltzen duten pottokak eta zezenak izango dira Latsunben.
Larunbatean zurezko jokoak
Larunbatean baita ere, ostiraleko ordu eta leku berean izango dira buruhaundi eta erraldoiak, eta zezen eta pottokak. Horrez gain, baita ere antolatu dituzte umeentzako zurezko jokoak, 11:00etan, Atsegindegin.
Parkea eta magoa igandean
Igande arratsaldean ere zezen eta pottokak izango dira Atsegindegin. 10:00etan berriz, gaztetxoentzako parkea izango da Atsegindegin, eta 16:30etan Kidam magoaren ikuskizuna izango da Atsegindegin.