Egun guztiko festa zuen atzo Hernaniko Kronikak, 10 urte betetzen baititu aurten. Ospatzeko eguna zuen beraz, atzo, eta herritarrekin batera ospatu zuen; jende asko ibili zen Tilosetan, goiz eta arratsalde.
Goizeko lehen orduetan ez zirudien eguraldiak eutsiko zionik, baina mendizale onenek ez zuten hutsik egin. Mendiriz Mendik antolatuta, ordu pare bateko ibilia egin zuten, Pardiola, Osiñaga, eta inguruko auzoetan. Beroketak eginda ziren ordurako pelotariak ere, eta ikuskizun polita eskaini zien inguratzen ari zen jendeari. Umeek jarri zioten ginda goizari, jo eta su aritu baitziren, ahalik eta arrautza gehiena zeinek salbatuko, kutxara gainean hartuta, eta aurpegia pinta-pinta eginda.
Arratsaldean, Tiloseta bete
Tiloseta bete jendek eman zion hasiera arratsaldeari. 17:30ak aldean gazte tailerrak egin zituzten, Gazte Txokoak antolatuta. Gero kontzertuak izaki, hain gazteak ez zirenak ere inguruan zebiltzan dagoeneko, eta 18:30ak aldera betekada galanta hartu zuen, kontzertuak hasi zirenean. Oi Dek Oi!, Ania, eta Laiotz taldeak, hirurak herrikoak eta estilo banakoak, dantzan jarri zituzten entzule guztiak.
Hernaniko Kronikak, eta Dobera Euskara Elkarteak, eskerrak eman nahi dizkiete atzoko festa antolatzen lagundutako guztiei, eta baita 10 urte hauetan laguntza emandako guztiei ere.
Jendetza, Kronikaren festan
Hamargarren urteurreneko festa zuen atzo Hernaniko Kronikak, eta jende askok lagundu zien ospakizunetan; baita eguraldiak ere. Arratsaldean betekada ederra hartu zuen Tilosetak.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!