Alkoholari aurre egiteko laguntza eta babesa Hernanin

Ekainaren 10ean, 75 urte bete ziren Alkoholiko Anoni­mo­ak sortu zenetik. Amerike­t­ako Estatu Batuetako Akron hirian (Ohio) sortu zen. Or­du­tik milaka dira sortu diren taldeak munduan zehar. Eus­kal Herrian 50-60 hamarkada inguruan jarri ziren martxan. Hernanin ere bada talde bat, Santa Barbara izenekoa, eta ia 42 urte daramazki alkoholarekin arazoak dituztenei la­gun­tza eskainiz. Hain justu, 1968ko urriaren 15ean sortu zen.

Edateari uzteko terapiak lehenagotik ere egiten ziren Hernanin. He­rrian oso ezaguna zen per­tsona batek talde bat sortzea erabaki zuen eta etxe partikular batean biltzen ziren. Per­tsona gehiago batzen joan zi­tzaizkien heinean, Gudarien plazan lokal bat lortu zuten, Luises izeneko lokalen barru­an. Bertan biltzen hasi zirenean sortu zen Alkoholiko Ano­nimoen Santa Barbara Tal­dea. Hortik, gaur egun Mu­sika Eskola den eraikinera pa­sa ziren eta bertatik, egungo lokalera: Sandiusterrira.

Anonimatua errespetatzea sakratua
Gaur egun, Santa Barbara taldean, 10-20 lagun artean bil­tzen dira, astelehen eta ostiraletan 20:00etatik aurrera. Ignaciok Kronikari azaldutakoaren arabera, boladak izaten dira eta orain baju xamar dabiltza. Hernaniko eta kanpoko jendea biltzen dira, eta asko omen dira herritik Donostiara joaten direnak ere, «lotsagatik». Bai­na hori argi utzi du behin eta berriz Igna­ciok, anonimatua errespetatzea sakratua dela tal­dean, alegia. Eta erabateko askatasuna da­goe­la joateko edo ez joateko, eta joanez gero, nahi dena esateko edo ezer ez esateko. «Ateak beti zabalik dau­de eta ez dago buruzagirik. Inor ez da inor beste bati kargua hartzeko», dio Igna­ci­ok.

Mahaiaren bueltan eseri eta hasteko aurkeztu egiten dira eta edan duten ala ez eta nola sentitzen diren kontatzen dute. Gezurra esaterik badagoela dio Ignaciok, bai­na egia esatea oso lagungarria dela nabarmendu du. «Au­rre­­ko egunean edan ba­du­zu, esatea da onena, ez da ezer pa­satzen. Hemen bil­tzen ga­renok laguntzen eta anima­tzen saiatuko gara». Ondo­ren, normalean, alkoholismoari buruz irakurri egiten dutela azaldu du eta irakurritakoaren inguruan hitz egin.

12 pausuen eta 12 tradizioen programa ere lantzen dute. Eta 24 orduko plana. Ez dute epe luzeko helbururik. Gertatzen dena gertatzen dela, gaur ez edan da lema.

Ignacioren iritziz, terapia horiek oso lagungarriak dira, baina konstantea izan behar da. «Jende gazte asko etortzen da, baina bost egunetan erremedioa nahi dute eta hori ez da horrela. Denbora behar da. Alkohol tanta bat bera ere probatu gabe egon, eta hilabete gutxian aldea nabaritzen da. Eta orduan konturatzen zara: Zer­gatik nago hain ondo? Edaten ez dudalako».

«Alkoholismoa gaixotasuna da»
Alkoholiko Anonimoak taldeak argi dio alkoholismoa ez de­la bizio bat, gaixotasuna baizik: sendaezina, progresiboa eta hil­garria, baina gelditu dait­eke­ena. Eta horretarako beharrezkoa da erabateko prestutasuna eta benetako gogoa. Eta Ig­na­cioren hitzetan, sufritu izatea eta hondoa jotzea beharrezkoak dira. «Gauza asko galdu dituzula konturatzen zara eta asko ez dituzula berreskuratuko».

Eta norberaren prestutasunaz gain, halako taldeak beharrezko ikusten ditu Iganaciok: «Gure helburua edan gabe man­tentzea da eta gaixotasun hau dutenei laguntzea puntu hortara heltzen. «Nik 19 urte daramazkit edan gabe eta ziurrenik bileretara etorri gabe ere ez nuke edango, baina horrela egingo bagenu denok, hau desagertu egingo litzateke. Eta guri laguntzeko prest egon zi­renak bezala, guk ondorengoei laguntzeko egon behar dugu».
Ostegunetan bilera irekiak egiten dituzte informatzeko, 19:00etatik aurrera, Sandius­te­rriko lokalean. Eta bestela, telefono honetara deitu daiteke: 943 33 11 03 begin_of_the_skype_highlighting              943 33 11 03      end_of_the_skype_highlighting.