batel estropada jokatu zuten atzo, Elorrabiko uretan, 24 batelek, eta ikuskizun oso polita eman zuten arraunlariek, inguratu ziren guztientzat (estropada bukatzerako bete ziren errio bazterrak, eta giro bikaina jarri zuen). San Pedrok eta Tolosak irabazi zituzten estropada guztiak; txikienak San Pedrok, eta haundienak Tolosak. Guztira 24 batel ziren, eta lehendabizi sailkapenak jokatu zituzten, erlojupekoan. Hortik pasa ziren finalera, maila bakoitzean bi batel onenak. Finalak 600 metroko eremuan jokatu zituzten, eta elkarrekin gurutzatzen zirela; alegia, bat alde batera eta bestea bestera. Estropada azkarrak, ikusgarriak, eta giroa... bikaina. Emozio dezentea izan zuen, une batzuetan. Esaterako, kadeteetan San Pedrok eta San Joanek jokatu zuten finala, eta 87 zentesimagatik San Pedrok irabazi. Izango dute, elkarri zer gogoratu, Pasaia aldean! Hernaniarrak ere oso lan txukuna egin zuten. Infantil mutiletan finalera pasa ziren; kadete mutiletan oso gertu geratu ziren; eta neskak jubenil-seniorrak ere hortxe ibili ziren. Senior mutilek ez zuten egun onena izan, eta azken postuetan bukatu zuten:
Infantil mutilak - finala:
1-San Pedro 2:51:60
2-Hernani 2:56:01
Kadete mutilak - finala:
1-San Pedro 2:37:02
2-San Joan 2:37:89
Jubenil-Senior neskak - finala:
1-Tolosa A 2:42:74
2-Trintxerpe 2:50:20
Senior mutilak - finala: 1-Tolosa 2:34:98 2-Zarautz 2:38:98