Urteko gaurik motzena ospatuko du Chillida-Leku museoak ekainaren 22an. Urtero bezala, udako solstizioaren jaia antolatu dute astearte gauerako eta musika, dantza, poesia eta su artifizialekin gozatzeko aukera izango dute museora hurbiltzen diren guztiek.
Kukai Dantza Taldearen ikuskizuna
Ikuslea, Kukai dantza Taldearen eskutik, dantza ikuskizuna, museoko espazio ezberdinetan murgilduko da, musika, perkusio, arpa, kontrabaxu soinuei eta olerkiari estu loturik. Jaia amaitzeko, Astondoa pirotekniak su artifizial ikuskizuna eskainiko du.
Jon Maya da dantza ikuskizunaren zuzendaria, eta koreografiak ere berak egin ditu Pantxika Telleriaren laguntzarekin.
Sarrerak salgai museoan
Sarrerak 16 eurotan erosi daitezke dagoeneko Chillida Leku museoko dendan, goizeko 10:30etatik arratsaldeko 15:00etara. Ekainaren 22an ere 20:30etatik aurrera jarriko dituzte salgai museoan bertan. Biterin 8 euroan. Ikuskizuna, gaueko 21:00etan hasiko da.