Arraunak prest! Batel estropada gaur, Elorrabin

Hogeita lau batel izango dira gaur Elorrabiko uretan, tartean aurten punta-puntan ibili den Tolosa, adibidez, edo Koxtape, Zarautz, San Pe­dro... eta noski Hernani. Az­ken urteetan ohitura bihur­tzen ari da San Joanetako ba­tel estropada, Fermin Etxe­berria zenaren omenez egiten dena, aurten hirugarren aldiz.
Lau kategoriatan neurtuko dituzte indarrak, eta Her­na­nik lauetan aterako du ordezkaritza. Hernaniarrek ez dio­te entrenatzeari utzi, nahiz eta Aste Santuen batel liga bukatu, gaurko estropadan mailarik onena emate aldera, euren zaleen aurrean.

Lau kategoria, 24 batel
Estropada lau kategorik jokatuko dute: mutiletan infantil, kadete, jubenil/senior; eta nesketan, denak batean. Her­nanik kategoria guztietan aterako du ordezkaritza, eta aurkari gogorrak izango ditu aldamenean. Tolosak, adibidez, sari asko lortu ditu aurten bateletan, eta Koxtape edo San Pedro ere hor izaten dira beti, goiko muturrean.

Ohiturazko estropada
Fermin Etxeberriaren omenez egiten da estropada Elorra­bin, San Joanetan, aurten hi­ru­garren aldiz. Urte askoan etena izan zuen Hernaniko arraunak, eta San Joanetako es­tro­padak ere bai; eta 1992an hasi zen arraun elkartea be­rriz. Garai berri honetan, Fermin Etxeberriak lan haundia egin du, bai patroi eta bai elkartekide moduan.

Bazkaria eta arraun ikastaroa
Gaur estropada ondoren, bazkaria egingo dute Xalapartan, arraun elkarteko arraunlariek.
Horrez gain, arraun ikas­taroa antolatu dute, ekainaren 28tik uztailaren 2ra, 16:00etatik aurrera, eta horretarako aproposa den Ala izeneko on­tzia ekarriko dute.
Arraun elkarteak eskertu nahi ditu emandako lagun­tza­gatik: Balantxa eta Putzueta.

Batel estropada
Elorrabi - Gaur 11:00
Mutilak infantilak
Hernani, Tolosa, San Pedro, Koxtape, Zarautz
Mutilak kadeteak
Hernani (2), Tolosa, San Pedro, Getaria(2), Koxtape (2), Trintxerpe, Zarautz
Mutilak jubenil-seniorrak
Hernani, Tolosa, San Pedro, Zarautz
Neskak maila guztiak
Hernani, Tolosa, Hibaika (2), Zarautz