San Joan jaien bezperatan egiten den Azeri Bila lasterketa gaur arratsaldean ospatuko da ehundaka korrikalariren parte hartzearekin. XIIgarren edizioa izango da aurtengoa.
4,5 km-ko ibilbideari
bi buelta
Lasterketak irteera eta helmuga Urbieta kalean izango ditu eta korrikalariek 4,.5 km-ko ibilbideari 2 buelta eman beharko dizkiote, guztira 9 kilometro. Aldaketa haundirik ez da egongo beste urteetako ibilbideekin alderatuta.
Sari ugari banatuko dira parte hartzaileen artean
Parte hartzaile guztiek kamiseta bana eramango dute etxera oroigarri gisa, eta maila bakoitzeko 3 lehenengoek, garaikurra irabaziko dute. Gainera parte hartzaile guztientzat hainbat sari zozketatuko dira. Besteak beste, bi pertsonentzako asteburuko bidaia, afariak edo kirol materiala irabazi ditzakete biharko Azeri Bilan parte hartzen dutenek. Beste hainbat opari ere izango dira parte hartzaileentzat.
Oraindik izena eman ez dutenak, garaiz dabiltza. Inskripzioa aspaldi ireki bazen ere, gaur izena emateko aukera izango dute helmugan, 10 euro ordainduta.
Nagusien aurretik, gazte-
txoen txanda izango da
Nagusien lasterketa hasi aurretik, gaztetxoenek ere beraien Azeri Bilan parte hartzeko aukera izango dute. Kategoria ezberdinetan banatuta, 17:40etatik aurrera izango da beraien txanda, benjamin mailatik abiatuta. Horien ondoren alebinak abiatuko dira, eta azkenik, infantilak eta kadeteak.