Musika afro-arabiarra bihar Kaxkoan

Musika afro-arabiarraren doinuekin dantzatzeko auke­ra izango da bihar Kaxkoan eta inguruko kaleetan.  Tams­na izeneko taldearen eskutik izango da hori arratsaldeko 18:00etatik aurrera, ordu eta erdi inguruz.
Biharko emanaldia Herna­ni­ko Amher-Sos Arrazake­riak antolatu du. Emanaldia San Joan Jaien barruan urtero antolatu ohi dituen ekintze­tako bat da.

San Joan egunean,
bi ekimen
Biharkoaz gain, San Joan egunean ere, hau da, hilaren 24an, izango dira emanal­di­ak. Bi, hain zuzen. Arratsal­de­ko 18:00etan, Txantxango­rri Elkarteko oholtzan, Ku­ba­ko musika eta musika la­tinoa izango dira protago­nista Fuer­za Latina tal­dea­rekin.
19:30etan, berriz, Txan­txan­gorri aurrean baita ere, animaziozko ekitaldi ikus­ga­rria izango da adin guztie­tako publikoarentzat. Oihu­la­ri Clown taldeak Otiacicoh ize­neko lana antzeztuko du (iritsi gara, esan nahi du). Inmi­grazioaren inguruan, kul­turarteko harremanaz, iza­dia­rekiko eta pertsona «ezberdin»-ekiko errespetu­az... ariko da. Lan honen ela­bo­razio eta zuzendaritza Bir­gi­nia Imaz eta bere taldea­re­nak dira.

«Aniztasunean bizikidetza ona bultzatzeko balio izatea nahi dugu»
Amher-Sos Arrazakeria tal­deak azpimarratu du, nahi­ko lukeela ekimen hauek San Joan Jaien giroan ondo ko­ka­tzeaz gain, aniztasu­ne­an bizi­kidetza on bat bultza­tzeko balio izatea, «jarrera arra­zista, alderdikoi eta baz­tertzaileei bizkar emanez. Jaiak ondo pasa eta gora San Joan!».