Urtero bezala, San Joanak iragartzeko haurren preludioa izango da gaur Hernani Musika Eskola Publikoaren eskutik. Plazan izango da 19:00etatik aurrera. Parte hartuko dutenak izango dira Musika Eskolako, herriko ikastetxe guztietako, Kantuz musika eskolako eta Ttarla dantza taldeko haurrak. Guztira 9-10 urte bitarteko 400 haur inguru bilduko dira. Egitaraua honakoa: Hernaniko Tobera bertsolariak-txalapartariak; Talai dantza trikitilariak eta dantzariak; Txoria txori txalapartariak eta saxo boskotea; Santana, a portrait Musika Eskolako Banda; Abesbatzek, akordeoi taldeak, bandak, txistulariek, teklado taldeak eta biolin taldeak berriz, Haurrak ikus ezazue, Urtxintxak, Hernaniko martxa... abestiak interpretatuko dituzte. Denera 11 izango dira. Eguraldi txarra eginez gero, bertan behera geratuko litzateke.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!