Errausketaren aurkako manifestaziora joateko deia

Atez Ateko Bilketaren Jarrai­pen Batzordeko eta Hernanin Zero Za­­bo­rre­ko kideek dei publikoa egin zie­ten atzo hernaniarrei, datorren igan­­dean, eguerdiko 12:00etan, Do­nos­tia­ko Bulebarrean egingo den ma­nifesta­ziora azaltzeko. Osasu­na­ren alde (Mo­ra­toria) Errausketarik ez lelopean antolatu dute manifestazioa Usur­bilgo Ituna sinatu duten alderdi, sindikatu eta mugimendu sozialek eta Erraus­ketaren Aurkako Taldeen Koordinakundeak. Atzo agerraldian gogorazi zuten Usur­bilgo Itunean bilduta daudela Ezker Abertzalea, Ezker Batua, Aralar, Berde­ak eta Alternatiba alderdiak, ELA, LAB, CCOO, Hiru, ESK, EILAS eta ENHE sindikatuak eta mugimenduetan, Errausketaren Aurkako Koordina­kundea, Eguzki, Ekologistak Martxan eta Greenpeace. «Igandeko manifestaldiak garrantzia haundia izango du Gipuzkoaren­tzako», azpimarratu zu­ten, «jokoan daukagulako sei urterako geldialdi edo moratoria lortzea Zu­bietako errauste planta proiektuarentzako. Her­na­nin ari gara ikusten, Usur­bilen eta Oiartzunen bezala eta laster herri gehiagotan ikusiko den moduan, posible dela errausketarik gabe konpon­tzea gure hondakinen arazoa. Ingu­rumenaren, justiziaren eta osasunaren kezka daukaten hernaniar guztiei egiten diegu dei igandean Donostiako manifestazioan parte hartzeko».