Biteriko kurtsoetako erakustaldia izango da gaur arratsaldean

Urtero bezala, zenbait tailer izan dira kurtsoan zehar Biterin eta gaur, horietan ikasitakoa erakutsiko dute jendaurrean. Antzerki, dantza garaikide eta laburmetraia tailerretan ikasitakoa erakutsiko dute, hain zuzen. Arratsaldeko 19:00etan hasiko dira emanaldiak, Biterin bertan, aipatutako orden horretan. Emanaldia doan da eta antolatzaileek gonbitea luzatu diete herritarrei, animatu daitezen ikustera, herrian zein ekintza egiten diren.