Euri jasa haundiak espero dira gaur eta bihar Kantauri isurialdean, eta alerta egoera eman du Eusko Jaurlaritzako Barne Sailak. Haundienak biharko espero dira, eta 24 orduan 80 litro bota ditzake, metro karratuko; horregatik alerta laranja eman dute.
Euskalmet Meteorologia Zerbitzuak eman ditu datuok. Gaur, 60 litro ur espero dira, Kantauri isurialdean. Euri jasak, ekaitza eta kazkabarra ere bota ditzake gaur.
Bihar, zaparradak ugaritu egingo ditu. 80 litro botatzeraino iritsi liteke bihar, eta ekaitz giroa izango dugu, batez ere goizaldean.
Euskalmetek jakinarazi duenez, eguraldi aldaketaren arrazoiak bi dira: batetik, alturako aire hotza, Euskadiraino gaur iritsiko dena; eta bestetik, mediterraneoan sortuta hona datorren borraska, eta iparrak itsasotik ekarriko dituen laino bustiak.
Barne Sailak alerta egoera eman du, eta jakinarazi, Udalei, eta emergentzi zerbitzuei, neurriak hartu ditzaten.