Gaur, San Antonio eguna izaki, Ereñotzuko jaietako egun nagusia izango da, antolatu duten egitarauari erreparatzea besterik ez dago. Goizetik iluntzera arte izango dira ekintzak. Besteak beste izango dira sagardo probaketa, herri kirolak, dantza emanaldia, bertso jaialdia eta zikiro jatea.
Sekulako giroa atzo,
goiz goizetik
Goizean goizetik mugimendua izan zen nagusi atzo Ereñotzun. Hilabete eta erdi iraun dituen Herri Olinpiadetako final haundia jokatu zen atzo eta futbol zelaian jarritako giroa sekulakoa izan zen. Atzokoan, herri kiroletan neurtu zituzten indarrak partaideek.
‘Larra’ nagusi aurten
Iaz bezala, sekulako ikusmina sortu zuen desafioak. Jon Larrañaga eta Imanol Paollak neurtu zituzten indarrak, atzokoan, eta Larra izan zen nagusi. Eginbeharreko lana honakoa zuten: aizkoran, bi enbor 60 ontzako eta lau kanaerdiko. Eta korrika 6km, hau da, Ereñotzuko futbol zelaiari 60 buelta.
Aizkoran Paollak 2 minutu eta 20 segundoko aldea atera zion Larrari eta korrika, lau bueltako aldearekin hasi zen. Larrak korrika hobeto aritzen dela erakutsi zuen eta tartea pixkanaka txikituz joan zen. Lehenengo kilometroan 1 minutu eta 55 segundo atera zizkion Paollak, bigarrenean 1,33, hirugarrenean 1,20... Aurrea hartzea zaila ikusten bazen ere, emoziorik ez zen falta. Eta laugarren kilometroa pasatakoan, egoerak buelta eman zuen. Paollak, ezinean, bertan behera utzi behar izan zuen apustua. Larrak, berriz, berean jarraitu zuen eta 56,45eko denborarekin bukatu zuen desafioa zelaian bildutako jendetzaren txalo zaparrada artean.
GAURKO EGITARAUA
08:30etan Hernaniko txistulariekin DIANA bailaran zehar.
11:30etan SAGARDO
PROBAKETA, UR-MIA elkarteak antolatuta, plazan. Sagardotegiak: ELUTXETA, IPARRAGIRRE, ELORRABI, OTSUA-ENEA, OLAIZOLA, GOIKO-LASTAOLA eta
LARRE-GAIN.
12:30etan HERRI KIROLAK,
plazan. Hizlaria Iñaki Perurena. Fausto Mugerza eta Manolo Cañamares aizkolariak. Iñaki Perurena eta Inaxio Perurena harri jasotzen.
17:30etan TTARLA DANTZA
TALDEAREN emanaldia plazan.
19:00etan BERTSO JAIALDIA:
Joxe Agirre, Maialen Lujanbio,
Aitor Sarriegi, Jon Maia, Miren Amuriza eta Andoni Egaña.
Ondoren JAIETAKO ERRIFAREN ZOZKETA.
21:00etan Afari herrikoia: ZIKIRO JATEA, plazan. (Txartelak salgai: Irrintzi tabernan eta Ur-Mia elkartean).