Datorren urtean Bezeroaren Astea errepikatzeko gogoz

Maiatzaren 31tik ekainaren 5era bitarte, Berriak elkarteak Bezeroaren Astea antolatu zuen, aurten lehenengo aldiz, eta antolatzaileak gustora dau­de jasotako erantzunarekin. Ekainaren 2an hitzaldia izan zen komertzioaren berri­tzea, espezializazioa eta optimizazioari buruz, eta 35 merkatari bildu ziren, Hernani­koez gain, baita Billabona, Astiga­rraga eta Oriotik ere. Hernanitik gainera, Berriak elkartekoak ez ziren bi merkatari ere animatu zirela azpimarratu dute. Haragi Egu­na, berriz, urtero bezala arrakastatsua izan zela azaldu du­te. Gainera aurten 10kg saiheski gehiago jarri zituzten eta guz­tia saldu zen. Datorren ur­t­e­an ere antolatzeko gogoz dau­de, «hori bai, ekin­tza gehiago sartu nahiko genituzke», au­rreratu dute. Eta iraila inguru­an Ekologia Astea agian. Ikusteko dago.