Kantauriko himnoa, Urumeako ahotsetan

Kantauri itsasoko arraunlarien ligak badu himno be­rria. Himno berria, eta orain arteko bakarra; lehendabiziko aldiz egin baitute aurten, euren izena daramakien kan­ta. Herenegun aurkeztu zuten Kursaalean, eta Hernani, Ere­ñotzu eta Goizuetako koruek kantatu zuten, 1.500 lagunen aurrean, 2010eko denboraldiaren aurkezpen ekitaldian. Imanol Kamio ereñotzuarrak egin du kantua, eta zu­zendari lanak ere berak egin zituen ostiralean. Hiru koru zituen aurrean: berak zuzen­tzen duen, Ozenki abes­batza, Ereñotzukoa;  Kantuz abesbatza, Hernanikoa; eta Umo­re Ona abesbatza, Goi­zue­takoa. Lehendik ere elkarrekin asko kantatu izan dute hi­ru koruek, eta antzeman zen Kursaalean, se­kulako erakustaldia eman bai­­tzuten, 120 lagunek, bi ahotsetan. Him­noa grabatzen ere hiru ko­ruak aritu dira, Kamiok hala eskatuta, eta Milagrosan egin zuten grabazioa. Urumeako ahotsek arrau­na­ri kantatu diote; Kantauri itsasoko arraunlari guztiei. Laster entzungo ditugu, ACT liga hasten denarekin batera: « El ritmo en el mar, de los brazos al remar; a gran liga, los mellores o mar, traiñas, remeiros... olatuekin entzungo dituzunak, oihu ta kantuak...».