Esne Beltzak ‘Noa’ diska berria aurkeztuko du gaur Ereñotzun, «etxean»

Esne Beltza taldeak bigarren diskoa aurkeztu zuen asteazkenean Bilboko Fnac-en. Noa izenburua dauka, eta  estilo eta genero asko nahasten dituzten 17 kantak osa­tzen dute diskoa; tartean, aurtengo Kilometro­a­kerako egindakoak, eta Do­nos­tiako piraten abordaiarako edo GazteHerria ekimenerako.

Munduko soinuak, nahasian
Noa diskoa 2009 eta 2010 urteetan zehar grabatu dute, munduko hainbat txokotan. Beste hainbaten artean, Bar­tzelona, Beirut, Japonia, Ja­maika edo Euskal Herriko es­tu­dioak izan dira grabaketaren testigu zuzenak. Tal­de­kideek egindako bi­daia horiek diskoa entzute hutsean nabarmentzen di­ra, munduko bazterretako estilo eta soinuak na­has­ten baitira  Noa diskoan. Ho­ri bai, Esne Beltzaren Glo­bal Basque hariak josten ditu soi­nu- nahasketa horiek guztiak.

Diskoaren muina, «glo­bal­tasuna, errebeldia eta aldarrikapena» dira, taldekideen esanetan. Menperatuta bizi diren kulturak aldarrikatu nahi izan dituzte, Esne Beltza taldearen bigarren disko honetan.

Kultura asko batzen ditu Noa disko berriak, eta horren adibide, parte hartu duten musikari eta taldeak: Gorka Urbizu, Oreka TX, Cindere­lla (Jamaika), Yage (Japonia), Ousmane (Senegal)... Letragile, Jon Garmendia Txuria aritu da.

Gaur kontzertua «etxean»
Diskoaren zuzeneko estreinaldia egingo du, beraz, gaur gauean, Esne Beltzak, Ere­ño­tzuko jaietan emango duten kontzertuan. Kon­tzertua gau­eko 23:00etan hasiko da, eta Trifulka eta Makulu Ken taldeek osatuko dute kartela.
«Kontzertu bakoitza festa erraldoi bihurtu nahi dugu», zio­ten asteazkenean Esne Bel­tzako kideek disko berriaren aurkezpenean. Seguru Ere­ño­tzun giroa jartzeko ez dutela arazo gehiegirik izango. 

Bost ekitaldi gaur Ereñotzun, jaien bigarren egunean

Ereñotzuko jaiei atzo eman zioten hasiera, eta bost egunetarako egitaraua prestatu dute. Atzo, suziriekin eta kanpai soinuekin jaiei hasiera eman ondoren, poteoa egin zuten auzoan barrena.
Jaietan disfrutatu nahi du­tenek, autobus zerbitzu berezia izango dute gaur eta bihar. Her­nani (Zinkoe­nea)­-Ereño­tzu: 00:30etan eta 03:00­e­tan; Ereño­tzu-Her­na­ni: 21:45­e­tan, 01:00e­tan, 03:30­etan eta 07:00e­tan.

Txokolatea eta jaialdia, gaur
Gaueko kontzertuaz gain, ekitaldi gehiago izango dituzte gaur jaien egitarauaren barru­an. 15:00etan Txirrita Ikaste­txeko ikasleek kurtso bukaerako ekitaldia egingo dute, eta  haurrentzat jaialdia izango da gero, arratsaldeko 17:30­etan futbol zelaian. Jaialdia bukatuta gero, txokolatada.

Mezak, bihar eta etzi
San Antonio parrokiak mezak emango ditu bihar eta etzi, eta gogorarazi egin nahi dizkie ingurukoei. Bihar, larunbata, 19:00etan izango da; etzi, igandea, 08:00etan meza, eta 10:00etan meza nagusia.

EGITARAUA
EKAINAK 11, OSTIRALA
ARRATSALDEZ:
15:00etan TXIRRITA IKASTETXEKO IKASLEEN KURTSO BUKAERAKO JAIALDIA.
Txirrita ikastetxean.
17:30etan HAUR JAIALDIA futbol zelaian. Mozorro onenari saria.
Ondoren TXOKOLATADA guztiontzat.
23:00etan hasita KONTZERTUA: TRIFULKA, MAKULU KEN ETA
ESNE BELTZA taldeekin.
00:30etan DENAK PLAZARA!