Garagardo aukera ederra Atsegindegin, gaurtik igandera bitarte

Hernani Errugbi Elkarteko talde guztiek desfilea egitearekin batera, Garagardo Azo­kak ateak irekiko ditu gaur, arratsaldeko 18:30etan, Atse­gindegin. Igandera bitarte, lau egunetan, izen haundiko ga­ragardo ezberdinak edan eta ukondoa eta saltxi­txak jateko aukera izango da giro ezinhobean.

Gaur 19:30etatik aurrera, afaltzeko aukera
Ordutegiari dagokionez, astegunez eta asteburuan aukera ezberdina izango da. Gaur eta bihar, esaterako, afaltzeko or­duan izango da zabalik. Gaur, arratsaldeko 19:30e­­tatik goi­ze­ko 01:00etara egongo da zabalik, eta ostiralean 00:00ak arte bakarrik; izan ere, Ere­ño­tzuko jaien barruan, kon­tzer­tuak izango dira 23:00etatik aurrera.
Larunbat eta igandean be­rriz, afaltzeaz gain, bazkal­tze­ko aukera izan­go da eguerdiko 12:30etatik arra­tsaldeko 16:00etara. Afaltzeko ordutegia asteguneko bera izango da. Arratsal­deetan, 16:00etatik 19:00e­tara, garagardoa edateko aukera bakarrik izango da.

Igandean, denboraldi bukaerako festa
Garagardo Azokaz gain, denboraldi bukae­ra­ko festa antolatu du Errugbi Elkar­teak igandean. Bazkaria egin­go dute elkartea osa­tzen duten guztiei zuzendua, bai­ta guraso, anai-arreba eta bi­ko­­teei ere. Menua bertan egindako paella bat izango da. Joateko asmoa dutenek, lehenbailehen abisatzeko es­katu dute antolatzaileek, de­na behar bezala antolatzeko.