KANPAI zaratatsuen hotsekin eta suziriak jaurtita, bost eguneko jaiei emango diete bihar hasiera Ereñotzun. Eta San Antonio Jaiak behar bezala hasteko, poteo herrikoia antolatu dute. Arratsaldeko 20:00etatik aurrera izango da hori.
Esne Beltza taldea
besteak beste, etzi
Ostiralean arratsaldetik aurrera jarraituko du festak. Arratsaldean haurrentzako ekitaldiak izango dira eta gau partean, gazte eta helduen txanda izango da; izan ere, kontzertua antolatu dute Trifulka, Makuluken eta Esne Beltza taldeekin.
Larunbatean, berriz, herri olinpiaden finala jokatuko da eta Larra eta Paollaren arteko desapiyua ere izango da. Eta eguna borobiltzeko, kontzertuak eta parranda goizaldera arte.
Igandean, San Antonio egunean, sagardo probaketak, bertso jaialdiak eta zikiro jateak ez dute hutsik egingo. Eta astelehenean, Irubidieta eta Ugaldetxon izango da festa.
Gaueko autobus zerbitzua ostiral eta larunbatean
Iaz bezala, aurten ere gaueko autobus zerbitzua izango da ostiral eta larunbatean. Honakoa izango da ordutegia: Hernani (Zinkoenea)-Ereñotzu: 00:30etan eta 03:00etan; Ereñotzu-Hernani: 21:45etan, 01:00etan, 03:30etan eta 07:00etan.
EKAINAK 10, OSTEGUNA
- 20:00etan FESTEN HASIERA. Kanpai zaratatsuen hotsez eta suziriak jaurtiz.
- Ondoren poteo herrikoia.
EKAINAK 11, OSTIRALA
ARRATSALDEZ:
- 15:00etan TXIRRITA IKASTETXEKO IKASLEEN KURTSO BUKAERAKO JAIALDIA. Txirrita ikastetxean.
- 17:30etan HAUR JAIALDIA futbol zelaian. Mozorro onenari saria.
- Ondoren TXOKOLATADA guztiontzat.
- 23:00etan hasita KONTZERTUA: TRIFULKA, MAKULUKEN ETA ESNE BELTZA taldeekin.
- 00:30etan DENAK PLAZARA!
EKAINAK 12, LARUNBATA
GOIZEZ:
- 10:00etan HERNANIKO OLINPIADEN FINALAK, futbol zelaian. Herri kirol probak. TRIKITILARIAK kalejiran ibiliko dira egun guztian zehar.
ARRATSALDEZ:
- 17:00etan OLINPIADEN AZKEN PROBAK.
- 18:30etan ‘DESAPIYUA’ Jon Larrañaga ‘LARRA’ eta Imanol ‘PAOLLA’ren artean. Futbol zelaian. 60 ontzako 2 enbor eta kana erdiko 4 enbor moztu. 6 Km korrika.
- Ondoren OLINPIADEN SARI BANAKETA ETA AZKEN FESTA. Plazan.
- 23:00etan OI DEK OI musika taldearen emanaldia plazan.
- 00:30etan LAIOTZ taldearekin parranda goizaldera arte.
EKAINAK 13, IGANDEA:
SAN ANTONIO EGUNA
GOIZEZ:
- 08:30etan Hernaniko txistulariekin DIANA bailaran zehar.
- 11:30etan SAGARDO PROBAKETA, UR-MIA elkarteak antolatuta, plazan. Sagardotegiak: ELUTXETA, IPARRAGIRRE, ELORRABI, OTSUA-ENEA, OLAIZOLA, GOIKO-LASTAOLA eta LARRE-GAIN.
- 12:30etan HERRI KIROLAK, plazan. Hizlaria Iñaki Perurena. Fausto Mugerza eta Manolo Cañamares aizkolariak. Iñaki Perurena eta Inaxio Perurena harri jasotzen.
ARRATSALDEZ:
- 17:30etan TTARLA DANTZA TALDEAREN emanaldia plazan.
- 19:00etan BERTSO JAIALDIA: Joxe Agirre, Maialen Lujanbio, Aitor Sarriegi, Jon Maia, Miren Amuriza eta Andoni Egaña.
- Ondoren JAIETAKO ERRIFAREN ZOZKETA.
- 21:00etan Afari herrikoia: ZIKIRO JATEA, plazan. (Txartelak salgai: Irrintzi tabernan eta Ur-Mia elkartean)
EKAINAK 14, ASTELEHENA:
IRUBIDIETA ETA UGALDETXON FESTA
GOIZEZ IRUBIDIETAN:
- 11:30etatik 12:30etara BOLA ETA TOKA TXAPELKETA.
- Ondoren Unai AGIRRE eta Jexux Mari IRAZU bertsolarien lehen saioa.
- HAMAIKETAKOA egiteko aukera ederra IRUBIDE jatetxean.
ARRATSALDEZ UGALDETXON:
- 17:30etan hasita PILOTA PARTIDUAK, Ugaldetxoko frontoian: Aizkorbe - Apezetxea / Apezetxea – Salaberria Goizuetako gazteak eskuz. M. Pagola - Ugalde/ E. Pagola – Arizaga neskak palaz. Noble-Lizeaga / Erroizenea-Santa Kruz mutilak eskuz.
- Ondoren Unai AGIRRE eta Jexux Mari IRAZU bertsolarien bigarren saioa.
- 19:00etatik 20:00etara TOKA Txapelketa.
- 20:30ak aldera KUPELA TALDEAREKIN ERROMERIA.
- Jaiei amaiera emango zaie suziriak jaurtiz.
MEZAK:
EKAINAK 12, LARUNBATA
- 19:00etan MEZA.
EKAINAK 13, IGANDEA, SAN ANTONIO EGUNA:
- Goizeko 8:00etan MEZA
- Goizeko 10:00etan MEZA NAGUSIA.
Ramon Huizik eta Inaxio Ansak jantzi dituzte aurtengo txapelak
Joan den ostiralean, San Antonio Jaietako XXV. Mus Txapelketa jokatu zen eta txapeldunak Ramon Huizi eta Inaxio Ansa izan ziren. Txapeldunordeak, berriz, Xabi Larraza eta Mikel Otegi.
Hirugarren postuan Julian eta Tutu geratu ziren eta laugarrenean, Gregorio Santa Kruz eta Joxan Santa Kruz.