CCOO eta UGT sindikatuek greba deitu dute gaur, sektore publikoan, Espainiako gobernuak agindu dituen murrizketak direla eta; hala nola, zerbitzu publikoetako langileen soldatak %5 jaistea ekainetik aurrera eta 2011n pentsioak izoztea, besteak beste. Deialdia estatu mailakoa da.
Bestalde, LAB eta ELA sindikatuek deituta, hirugarren eta laugarren greba eguna izango dute Gipuzkoako metaleko langileek ostegun eta ostiralean.
Manifestazio nazionala larunbatean
Euskal Herriko gehiengo sindikalak deituta, manifestazioa izango da larunbatean Bilbon Murrizketarik ez! Euskal langileok gure etorkizunaren jabe lelopean. Hernaniko LABek autobusa antolatu du. 15:30etan aterako da Atsegindegitik. Izena emateko: 943 33 60 62 telefonora deitu, hernani@labsindikatua.org helbidera idatzi edo Garin tabernan apuntatu. Manifestazioa Jesusen Bihotzetik abiatuko da 17:30etan.