Ostegunean zabalduko ditu ateak aurtengo Garagardo Azokak

Aurtengo Garagardo Azo­ka lau hilabeteko aurrerapenarekin dator. Orain arte ez bezala, urrian izan beharrean, ekainean izango da Her­na­ni­ko Errugbi Elkarteak an­tola­tzen duen Garagardo Azo­ka. Hain zuzen, ostegun honetan hasiko da 19:00etan, eta igandera bi­tar­te, lau egunetan, ka­litate one­ko garagardo ez­ber­dinak probatzeko aukera izango da. Eta garagardoaz gain, halako azoketan ohikoak diren ukondo eta saltxitxak ere bai. Hori guztia Atsegindegin izango da.

Asteburuan, afaltzeaz gain, bazkaltzeko aukera
Ordutegiari dagokionez, astegunez, hau da, ostegun eta ostiralean, afaltzeko orduan izango da zabalik. Ostegu­nean, arratsaldeko 19:30e­­tatik goizeko 01:00etara egongo da zabalik, eta ostiralean 00:00ak arte bakarrik; izan ere, Ere­ñotzuko jaien barruan, Esne-Beltza, Trifulka eta Maku­lu­ken taldeen kon­tzertuak izango dira. Larunbat eta igandean berriz, afaltzeaz gain, bazkal­tzeko aukera izan­go da eguerdiko 12:30etatik arra­tsaldeko 16:00etara za­balik egongo bai­ta. Afaltzeko ordutegia asteguneko bera izango da. Arratsal­dean, 16:00etatik 19:00etara, garagardoa edateko aukera bakarrik izango da.

Amaitzeko, denboraldi
bukaerako festa
Garagardo Azokako azpiegi­tura aprobetxatuz, denboraldi bukae­ra­ko festa egingo du errugbi elkarteak igandean. Bazkaria egingo dute elkartea osa­tzen duten guztiei zuzendua, baita guraso, anai-arreba eta biko­teei ere. Menua bertan egindako paella bat izango da. Prezioari dagokionez, errug­­­bi eskolako jokalariek, 15 urtekoek eta beherakoek eta izan dezaketen arreba eta anaiek ez dute ezer or­dain­duko. 16 urtetik 100 urte bi­tar­tera, ba­koi­tzak 15 euro or­daindu beharko ditu eta 100 urtetik gorakoek doan izango dute bazkaria, eta omenaldi­txo be­rezia egingo zaie. 300-400 lagun elkartuko direla aurreikusten dute elkartekoek eta guztia behar bezala antolatzeko, joateko asmoa dutenek, lehenbailehen abisatzeko eskatu dute antolatzaileek.