Tijero eta Pagola finalean, ‘Emakumea Pilotari’ trinkete txapelketan

Hernaniko bikote bat finalean izango da, datorren ostiralean, Donostiako Gaska Trinketean. Garbiñe Tijero eta Mirari Pagolak joan den ostiralean 30-23 irabazi zieten Arriolari eta Pierolari, beroa nagusi izan zen partiduan. Hernaniarren kontrario izango dira, Goenaga eta Moron, Urnieta eta Irungoak. Eskarmentu haundiko bikotea da, batez ere trinketean aritzen dena. 3 eta 4garren postuengatik borrokan beste hernaniar bat ere izango da. Eli Pagolak, Randez lagun zuela, galdu egin zuen joan den ostiralean, 30-23, Goenaga eta Moronen kontra, eta datorren ostiralean arantza hori atera nahiko du, finala baino lehenago jokatuko den partiduan. Gaskan, 20:10etatik aurrera.