Julio Barea: «Hernani lehenengo bagoian jarri da zaborrak kudeatzen, Kataluniaren parean»

«Hernanik erakutsi du, in­zi­ne­radorak ez duela ezer­ta­ra­ko balio eta sistema prehis­to­ri­koa dela», garbi adierazi zuen Julio Bareak, joan den ostira­lean, Hernaniko Atez Atekoa ikusteko egin zuen bisitan.

Julio Barea Madrilekoa da, eta Greenpeace taldean ari da lanean zazpi urtez. Azken hi­ru urteetan zaborren ku­dea­­keta lantzen ari da, Green­­peaceko Kutsadura sai­la­ren ba­­rruan. Mundu mailan Ita­lia, eta gure inguruan Ka­ta­lu­nia, eredu jotzen ditu Bareak, zaborrak gestionatzen. Hel­bu­ruak oso garbi omen ditu Greenpeacek: erraustegirik ez, eta zaborrak zero, edo ezerrezera ekartzea.  

«Argentona edo Tianaren pare jarri da Hernani,
hiru astean»
«Buru-buruan jarri da Herna­ni zaborrak gestionatzeko ordu­an. Hiru astean Atez Atekoa hain txukun egitea ez da erra­za; ezagutzen ditugu beste ka­su batzuk, eta onenen pare da­go Hernani, Tiana edo Ar­gen­tonaren pare». Hernani kasu in­teresgarria dela azal­du zuen Bareak ostiralean, herri haun­di xamarra delako, eta Atez Ate­ko bilketa sisteman eredu izan litekeelako Gipuz­koan. «Her­nanik, Usurbilek eta Oiar­­tzu­ne­k, erakutsi dute po­si­ble dela beste bide bat, erraus­­tegiaren ordez. Apus­tu haun­dia da, baina etorkizuna hor da­go; ez egin dudarik. Gipuz­koak jakin behar du hori».

«Zaborrak erretzea, gaur egun, astakeria ulertezina»
Greenpeacen ustez, gaur egun erraustegiak ez du ez hanka eta ez buru. «Erraustegiak eragiten ditu, berotegi efek­tuko gasak; klima aldaketa azkartzen du, osasun kaltea izugarriak sortzen ditu...  Hori aspaldi demostratuta dago, baina indartzen ari dira berriz, sekulako negozioa direlako».

Palma de Mallorcako kasua adibide bezala jarri zuen Ba­reak, «Erraustegia daramakien enpresak kontratu bat lortu du, 2041 urtera arte. Politika horiek modaz erabat paseak dau­de, eta politiko horiek eu­roa­ri begira daude erabat».

Erraustegia eta Atez Ateko sistema erabat kontrajarriak direla esan zuen Bareak. «Ba­tek behar duena, besteak ken­du egiten dio. Alegia, erraus­te­giak erregaia behar du, eta Atez Atekoak kendu egiten dio».
Alde ekonomikoa oso gu­txi ikertu dela dio Bareak, baina ekonomikoki ere erraus­tegiek arazo haundiak dituztela uste du. «Gipuzkoako Diputa­zioak zorretan sartu nahi du pro­bin­tzia osoa. Erraustegiak ez dira errentableak, lan­pos­tuak dese­giten ditu... Asturia­sen erraus­tegia egitera dijoaz, eta guk demostratu dugu, in­guruan badituela 500 esne-esplotazio, hankaz gora joan­go direnak, ezingo dutelako inguru har­ta­ko belarra bazka bezala era­bili».  

Italia munduko lehen postuan, 1.700 herri
Atez Atekoa egiten
Bosgarren kontenedo­rea Greenpeacek nola ikusten duen galdetuta, Bareak dio, «emaitza oso bajuak» ematen ari dela Atez Atekoaren on­do­an.
«Helburua da, zero zabo­rre­ra hurbiltzea, ahal den gehiena. Tianak (Bartzelona) %90 birzikla­tzen du, adibidez.  Horiek dira eredu onak, eta horra inguratu behar dugu».     

Mundu mailan, jarraitu be­harreko eredua Italia dela uste du Bareak, eta badirela ge­hia­go ere. «Italian, 1.700 herri ari dira zaborrak Atez Ate biltzen. Ka­talunia ere ez da adibide txarra, Mallorcan ere herri asko apus­tua egiten ari dira. Eta mundu mailan, Flandes, San Fran­cis­co... Ea Gipuzkoa ere bide ho­rretan sartzen den».