Altzuetako sagardoa, gaur eguerdian lehiatuko da Donostiako euskal gastronomia elkartean egingo den Gipuzkoako sagardoaren ix lehiaketako finalean. Hernaniko sagardotegiak, Astigarragako Astarbe eta Gurutzeta, Tolosako Isastegi, Urnietako Elutxeta eta Adunako Zabala sagardotegiak izango ditu aurkari Gipuzkoako onena zein den erabakitzeko. Gipuzkoako Diputazioak antolatzen du lehiaketa eta botilaratutako sagardo naturalaren kalitatea baloratzea eta saritzea da helburua.
Lehiaketan, Hernaniko
7 sagardotegi
27 sagardotegik parte hartu dute Gipuzkoako IX. sagardo lehiaketa honetan eta horietako 7 ziren hernaniarrak.
Laginak jaso dituzte sagardotegiko kupel bakoitzetik eta bi froga pasa behar izan dituzte finalera iristeko. Lehenik, Diputazioak Fraisoron duen laborategian aztertu dituzte sagardo ezberdinak eta ondoren probaketa egin da.
Lehiaketako irabazleak Txapelaz gain, Trofeoa eta 2.500 euroko ordainsaria jasoko du.