Haragi jana atzo, Bezeroaren Asteari bukaera ona emateko

Bezeroaren Astea izan dute Hernaniko merkatari eta ostalariek, eta bukaera Haragi Egunarekin eman diote. Berriak elkarteak antolatuta, 125 kg haragi jarri zituzten atzo, Gudarien plazan; 100 kg sahieski, eta 25 kg sal­txitxa. Haragiari laguntzeko, ardoa eta sagardoa, nola ez. Urterokoa da Haragi Eguna, eta atzo ere, jendeak gustora sosegatu zuen arrats parteko gose-puntua.