ikasturtea bukatzear da eta Langile Ikastolari ere iritsi zaio bere jaialdia antolatzeko eguna. Larunbatean izango da eta kurtsoari merezitako agurra emateko egun osoko egitarau zabala prestatu dute. Goizeko 10:00etan 4garren mailako ikasleen emanaldia izango da Kantuz Musika Eskolakoen gidaritzapean. Bukatutakoan, ibilaldiari ekingo diote: Tilosetatik atera, Urbieta kalea, Chillida pasealekua, Antziola, Sagasti-alde, Etxeberri, La Cumbre pasa, Ibaiertzetik Ibai-ondo poligonora joan, Zubietatik Karabelera eta han, hamaiketakoa eta jokoak izango dituzte zain, 11:30etan.
Elkarretaratzea 13:00etan
Eguerdiko 13:00etan elkarretaratzea egingo dute Zinkoenean eta ondoren, 14:00etan, bazkaria. Beranduxeago, berriz, play backa. 16:00etatik aurrera, Modestorekin dantzatzeko aukera izango da eta grafitti tailerrak ere izango dira DBH eta LH 6 mailako ikasleentzat.