Bihar jokatuko diren itzulerako partiduetan, Oiartzunetik ekarritako emaitzari buelta eman beharko dio Hernaniko taldeak Herriarteko Txapelketako finalean egon nahi badu. 2-1 galdu zuten oiartzuarren aurka, eta nahiz eta erraza ez den izango, Atano III-eko final haundirako txartela eskuratzen saiatuko dira 20:30etatik aurrera, Kiroldegiko frontoian.
Jubenilen partidua, klabea
Kadeteetan, Urkizu eta Murgiondok 22-16 galdu zuten pasa den asteburuan eta oraingoan ere zaila izango dute emaitza ona eskuratzea. Partidu bikaina jokatu zuten pelotari hernaniarrek baina maila honetan oiartzuarrek bikote bikaina dute.
Seniorretan, Hernaniarrek ondo irabazi zuten Oiartzunen. Gauzak normal joanda, Hernanin ere garaipena eskuratu beharko lukete biharko partiduan.
Kanporaketako klabea beraz, jubenilen partidua izango da. Oiartzunen ikusitakoaren arabera, oiartzuarrek kategoriako bikoterik onenetakoa dute baina hernaniarrak ez dira atzean gelditzen. Joaneko partidu gogorrean, 21ean geratu ziren hernaniarrak eta etxean garaipena eskuratzen saiatuko dira.
Hernaniko taldearen arduradunek, pelotazaleen babesa eskatu dute kanporaketari buelta eman, eta beste urte batez pilotari hernaniarrak Herriarteko Txapelketako finalean egon daitezen.