«Ingurumen zinegotziak ez ditu argitu Santa Barbarako ilegalitateak»

prentsa oharrean Hamai­ka­bat alderdiak adierazi due­nez, Izaskun Txintxurre­ta Ingurumen zinegotziak «ez ditu argitu Santa Bar­barako harrobiko ilegalitate eta irregularitateak». Iñaki Arratibel Hamaikabat alderdiko zinegotziak dio penatu egiten dela, Ingurumen zinegotziak «aukera on bat» galdu duelako argitzeko, «zergatik ezkutatu den trans­ferentzia estazioa, aktibitate lizentzia zergatik falta den, edo zergatik dagoen kontenedoreetan za­bo­rra na­has­tuta». Arratibelek dio, Inguru­men zinegotziak nahiago izan duela kon­tu horiek argitu baino, salaketa egin dutenak deskalifikatu. «Txintxu­rre­tak esplikatu egin behar du zergatik nahastu dituen zaborrak Santa Barbaran, berak onartutako ordenan­tzak de­bekatzen badu. Edo esplikatu behar du, zergatik ez duen transferentzi puntu horren berri eman, ez publikoki eta ez Udal Batzor­dee­tan. Eta azkenik, besteei ardurak es­katu beharrean, azaldu behar luke, zergatik daukan fun­tzionamenduan, lizentziarik gabeko instalazio bat».