Eskaera, Ospitaletako autobusa Amara auzoraino joan dadila

Mikel Izagirre Ezker Batua Berdeak alderdiko juntakideak eskatu du, Ospitaleta­ko autobusa Amara auzoraino iritsi dadila. Proposamena joan den astean egin zion Gipuz­koako Foru Aldundi­ko Mu­gikortasun eta Orde­na­men­du Departa­men­duari; onar­­­tzen bada, 3 hilabete ba­rru martxan izan­go da autobus zer­bitzu be­rria.  

Urtarrilean ja­rri zuten mar­txan Ospitaletako au­to­busa, An­doain, Ur­­­nie­ta eta Her­na­ni Os­pita­lekin lotzen di­tue­na. EB Ber­deak alderdiak zerbitzua ge­hiago zabaltzeko eskatu du, «herritarrak hori eskatzen ari direlako».  

Amaran, osasun zerbitzuak eta autobus estazioa
Izagirrek adierazi duenez, Amaran zerbitzu garrantzi­tsuak daude zo­naldeko he­rri­tarrentzako: osasun zerbi­tzuak, autobus estazioa... Ho­rre­gatik, Os­pi­ta­letako au­to­bu­sak Amara auzoraino jaitsi beharko luke, gero ostera, be­rriz Ospitaletara joateko.

Izagirreren ustez, erraza da eskaera hau betetzea. «Au­­tobus linea be­rriak orain egiten duen bidean, Os­pi­ta­lak pasa eta  Anoe­tako errotondaraino jaitsi beharko luke. Han­go markesinan gelditu eta berriz lehengo bidetik bueltatu beharko luke». Ho­rre­la herritarren eskaera ga­rrantzizko bati erantzungo li­tzaioke, eta mugikortasun iraun­­korraren aldeko beste pauso bat litzateke, EB-Ber­deak alderdiaren ustez.