Floridan, 332 etxebizitza egingo dituzte

Plenoak aho batez onartu zuen osteguneko Plenoan Florida auzorako urbanizazio plan berria, AMR Refracta­rios zegoen lur eremurako. Hi­tzarmen berriak 332 etxe­bizitza aurreikusten ditu eremu horretarako: 200 li­bre­ak, 66 tasatuak, eta 66 babes ofizialekoak. Hernania­rren­tzat izango dira etxebizitza ta­satu eta babes ofizialeko guztiak, alegia, 132 etxe­bi­zi­tza. Hori da hitzarmen berria, Udalak Kronikari ja­kinarazi dionez. Aurreko hi­tzar­me­nean 304 etxebizitza au­rrei­kus­ten ziren, atzo Kro­ni­kak ka­leratu bezala.

Oposizioari erantzuna
Atez Atekoari buruzko lau galdera egin zituen opo­si­zioak Plenoan, gehienak lan­gileen ordutegi eta lan bal­dintzei buruzkoak. Gobernu Tal­deak erantzun zuen, baietz, arazoak izan direla, eta langileak ordu gehiago ari direla sartzen, eta arazoak konpontzeko bideak bilatzen ari direla. «Kamioi onen zain gaude, eta alki­lerrekoek ara­zoak eman diz­ki­gute; sis­te­ma­ra egokitzeko den­bora be­har dute langileek, ezin zaie %100 ondo egiteko eskatu lehenengo egunetik; se­gu­rue­nik, ez dago erabat ondo dimentsionatuta eta ajusteak beharko ditu». Adierazi zu­ten, lehen egunotan pabei­loi­ko bi langile ibili direla bilketa lanetan, egunean or­du­bete, eta pabeiloiko kamioia ere bai. Guardarekin lanean ari diren langileak lehenengo 2-3 egu­netan laguntza pun­tua­la eman zuten, Epe­le­ko bilketa egiten, eta sub­kon­tra­takorik ez dela bilketa egiten aritu adie­razi zuen GobernuTaldeak.