«Zaborra Santa Barbarara eramaten ari dira, transferentzia puntu ilegal batera, handik zabortegietara banatzeko»

Eaj-pnvko zinegotzia den An­­doni Amonarraizek, eta Ha­maikabateko Iñaki Arra­tibelek salatu zuten atzo pren­tsaurrean, herrian jaso­tzen den zaborra Santa Barbarara era­maten ari dela Udala, baimenik gabe egindako transferen­tzia gune ba­tera; gero handik eraman beharreko lekuetara eramateko: «dagoen iluntasunaren adibide da harrobiko transferentzia pun­tu ilegala».

«Ez dugu informaziorik»
Amonarraizek eta Arra­ti­be­lek azaldu zuten beraiek ez dutela informaziorik jaso transferen­tzia guneari bu­ruz: «Al­ka­teak agintaldi guz­­tia daramaki par­tehar­tzeaz eta transparentziaz hitz egiten, eta urtebete pasa ondoren Atez Ate­koa mar­txan jartzen, ez dugu puntu berri honen inguruko berririk jaso»
Prentsaurrean adierazi zu­ten, eskatzen dietela bai Udal langileei eta baita or­dez­kari politikoei ere, esatea ho­­nen berri ba­zuten edo ez: «Tran­fe­rentzia guneak ez du hondakinen ordenantza bete­tzen, bertara botatzen baita, de­na batera: papera, kartoia, plastikoa, organikoa eta errefusa».
Horrez gain, bi alderdietako kideek ez dute baztertzen etorkizunean juridikoki sala­tzea, bai instalazioa bera, eta baita arduradunak ere.

«Zaborra misteriotsuki ari da desagertzen»
Bestalde, atzoko prentsaurrekoan zaborra misterio­tsu­ki desagertzen ari dela ere esan zuten Amona­rraizek eta Arra­tibelek. Bi zinegotzien arabera, Atez Atekoaren au­rre­neko as­tean zaborraren %66 desagertu da Hernanin: «Go­ber­nu Tal­deak ez du ho­rren azalpenik eman. Sistema jarri au­rre­tik, astean bildutako zabor me­dia zen: 97.527 tonelada. Atez Atekoa ezarri ondoren be­­rriz, aurreneko astean, 21.360 jaso dira».
Azkenik, gaineratu zuten, bai Gobernu Taldea, eta baita Ezker Batua ere ez direla hasierako hel­bu­ruak betetzen ari, «sistemaren kostua, lan­gile kopurua, jasotzeko ordu­tegiak, eta abar».