Gaueko larrialdietako zerbitzurik ez da izango ekainaren 19tik aurrera, Hernanin

Osakidetzak hala erabakita, ekainaren 19tik aurrera, Her­naniko anbulatorioa itxita egongo da gaueko 00:00e­tatik 08:00etara, hau da, gaue­ko la­rrialdietako zerbi­tzurik ez da izango. «Ondo­ri­oz, Her­nani, La­­­sarte, Andoa­in, Usur­­bil eta Astigarragako biztanleek Do­nos­­­tiako Ben­goe­­txea kaleko La­rrialdie­ta­ko zerbitzura edo Donos­tia­ko ospitalera jo beharko dute, jakinda lehenengoa la­nez gainezka izaten dela eta bigarrenean kasu arinak luze itxarotera behartuta daudela», azaldu dute Her­na­niko la­rrialdi zerbitzuko langileek.
Horrez gain, jakinarazi du­te larunbat goizeko pediatria zerbitzurik ere ez dela izango. Langileek salatu dute hau guz­tia Osasun publikoan jasaten ari diren kaltetze-bidean urrats bat gehiago dela. Ho­rren aurrean, herritarren la­gun­tza eskatu dute denen es­kubideen alde egiteko. Sina­du­­­rak biltzen ari dira anbulatorioan bertan.

«Emandako argumentuak
desmontatu ditugu»
Larrialdietako langileek azal­du­takoaren arabera, erabakien atzean arrazoi politikoak dau­de, eman dizkieten argumentu guztiak desmontatu baitizkiete: «Ixteko ematen duten arrazoi nagusia lan eskasia da, baina hori gaueko ordutegiaren ba­rru­ko zerbi­tzu guztietan (su-hil­tzaileak, udaltzainak...) ger­ta­tzen da, baita ezaugarri bereko beste anbulatorio ba­tzu­etan ere, eta ez dituzte ho­rregatik ken­­tzen. Bitxia da, be­netan, gu­reak baino aktibitate txikia­go­a du­ten Gipuzkoako beste zen­tro batzuk egunean 24 or­duz zabalik egotea eta ho­riek guz­tiak PSOEren alkate­tza du­­ten he­rrie­tan izatea». Ho­rrez gain, azal­du dute La­sar­teko an­bula­to­rioa irekita egon­go de­la la­run­bat eta igandetan 09:00etatik 21:00etara, eta ez du­te uste benetako es­kae­rei eran­tzuten die­nik: «Zer­tan oi­na­rritzen di­ra? Ze azterketa egin dute?».

«Zerbitzu honen kaltetzea nabarmena da»
Langileek azpimarratu dute zerbitzu honen kaltetzea na­bar­menda dela: «40 urtetan zehar ikusi dugu etxerako zer­bitzuak kendu direla en­pre­sa pribatu baten esku uzteko, anbulatorioko anbulantzi­ak kendu dituztela, igande eta jai-egunetan eguerdira arte zenbait zaintzetarako zabalik egoten ziren Andoain eta Lasarteko anbulatorioak itxi dituztela... Hau guztia galdu dugu», diote.