euskal sindikatuen gehiengoak deituta, greba eguna dute gaur sektore publikoan (Udala, Anbulatorioa...). Grebarekin salatu nahi da Espainiako Gobernuak agindu dituen murrizketak administrazio publikoan; izan ere, Jose Luis Rodriguez Zapatero presidenteak jakinarazi zuen zerbitzu publikoetako langileen soldatak %5 jaitsiko direla ekainetik aurrera eta 2011n pentsioak izoztu. Sindikatuen arabera, erabaki horrekin zerbitzu publikoak larriki mehatxatzen dira. Eta erasotzen diote zerbitzuei, berauen kalitateari eta zerbitzu hori bermatzen duten langileen baldintzei. Arlo publikoa pribatizatzeko estrategia bat dela nabarmendu dute.
Elkarretaratzeak goizean
Sindikatuek elkarretaratzeak deitu dituzte goizerako. Hernanitik gertuen, alde batetik, Donostian egingo da, goizeko 11:30etan Bulebarrean, eta bestetik, Tolosan, goizeko 09:30etan.