Eñaut Martikorena eta Eli Pagola, Gipuzkoako Eskolarteko finalera

Kanporaketa bukatuta, seguru zekiten finalerako au­kerak bazituztela. Eñaut Mar­ti­korenak eta Eli Pagolak Gi­puzkoako Esko­lar­teko fi­nala jokatuko dute, 18 urte arte­koe­tan, datorren ostiralean, Le­zoko Udal Kiroldegian.
Guztira lau kanporaketa izan dira, eta zortzi gazte iri­tsi dira finalera. Herna­nia­rrak bi dira, zortzi horien ar­tean: Eñaut Martikorena eta Eli Pa­gola. Besteak: Ane La­baka (Lasarte), Amaia eta Mi­kel Itu­rriotz (Urretxu), Ge­ma Ur­teaga (Beasain), Izaro Zin­ku­negi (Errezil) eta Imanol Ira­zustabarrena (Alegi).
«Bertso mailaz, eta batez ere, bertsoa hasteko abiaduraz, aldea atera diete gainerakoei», zioen, Arnaitz Lasarte bertso eskolako irakasleak kanporaketa bukatu ostean, «finala hortxe ibiliko dute».  Eta baita asmatu ere.

Txapelketa bat, bi final
Es­ko­larteko txapelketa bi mai­latan jokatzen da: txikien maila, 14 urte artekoak; eta helduen maila, 14-18 urte artekoak. Datorren ostiralean, 16:00etatik aurrera bi finalak ikusi ahal izango dira. Le­he­nen­go txikienek neurtuko dute elkar, taldeka: Oiar­tzun, Zumarraga-Urretxu, Za­rautz eta Goierri, sailkatu dira finalera. Ondoren, helduen txanda izango da, eta tartean, Hernaniko bertso eskolako bi kideak ariko dira.