Arrozpide eta Burugain, Gipuzkoako Txapelketara

Bi hernaniar sailkatu dira Gi­puzkoako Txapelketa joka­tze­ko. Migel Arrozpide eta Mi­­guel Burugain datorren igan­dean neurtuko dira Gi­puz­­koa­ko 25 onenen artean, eta hortik zortzi onenak aukera izango dute Euskadikoa jokatzeko.

Atzo tiraldia izan zen Her­nanin, Benta Berriko bolatokian. Gipuzkoako Kopako azken tiraldia zen atzokoa, eta Andoni Berasategik irabazi zuen, 228 brila botata, eta Migel Arrozpide bosgarren izan da. Bestalde, atzoko tiraldiarekin bukatu zen erregularitate txapelketa ere (txapelketa guztien batuketa). Hori ere Andoni Berasategik irabazi du 762 brilarekin. Her­na­niko onena Miguel Burugain izan da, zazpigarren, 725 brilarekin. Bi sailkapen horiei es­kerrak sailkatu dira Arroz­pi­de eta Burugain Gipuzkoako Txapelketara. yy