896.608 euro inbertsioetarako

Krisiak eraginda, inbertsio gu­txiago egingo ditu aurten Udalak. Aurtengo aurrekontuan, 896.608 euro bideratuko dira  hainbat proiektu egiteko.
Jaitsiera garrantzi­tsua da, kontuan izanda lehengo urtean 2,8 milloi euro izan zirela in­bertsioetarako.

Ereñotzuko Apaiz Etxea
egokitzeko, 130.965 euro
Ereñotzuko auzo udala mar­txan egotea aurreikusi du Uda­lak 2010eko azken hiruhilabeteetan, eta horregatik 2010­eko aurrekontuan, inbertsio nagu­siene­takoa izango da Ere­ño­tzuko Apaiz Etxea egokitzea. Bertan, auzo udalak era­biltzeko bulegoak egingo dira,  eta ekin­tza kulturaleta­ra­ko gunea. Proiektu horretarako 130.965 euro bideratu dira.

Villa Ave Mariako teilatua erreformatzeko ere inbertsio indartsua aurreikusi da. Bere egoera kaxkarra dela-eta, urgentziaz konponduko dute teilatua, eta horretara, 105.000 euro bideratuko dira.  

Hilerrian ‘Columbarioa’,  errautsak gordetzeko
Hilerrian errautsak gordetzeko gu­ne berri bat eraikiko da. Columbario berri honetan Udalak 15.000 euro gastatuko ditu, errautsak zabaldu nahi ez dituztenentzat.

Herri barruko autobusak orain arte baino diru gehiago jasoko du. Zerbitzua hobetzeko intentzioz,  25.000 eurotik 60.000 eu­rora igoko da herri barruko garraioaren gastua.

Mugikortasunari dagokionez, Udalak 40.000 euro gastatuko ditu 2010ean bidegorri sarea osatzen. Karabeleko bidegorria egiteko izango da diru hori, aurtengo aurrekontuetan aurreikusten denaren arabera.  

Kirol Patronatuak, 60.000 euro aurreikusi ditu igerilekuetako  dutxak aldatzeko.

Estatuak 1,7 milloi gastatuko
ditu Hernanin
Plan E delakoaren barruan, Estatu Espainiarreko Gober­nuak 1.748.070 inbertituko ditu Her­nanin zenbait proiektutan. Villa Ave Mariaren lorategiak parke publiko bihurtzeko 1,3 milloi bideratuko dira, eta Karobieta  apeaderoarekin lotuko duen bidegorria eraikitzeko 400.000 euro.

Oposizioak aurrekontu proiektuaren aurkako iritzia azaldu du

PSE-EE
PSE-EE alderdiarentzat, Go­ber­nu­ ­Taldeak aurkeztutako aurrekontu proiektuak urtea salbatzeko besterik ez du balio. Beraien esanetan aurrekontuak ez dute sinisgarritasunik eta ez dira egokitzen herritarren beharretara, krisi egoera honetan.

Udalak Ongintza Patro­na­tuari urtero egiten dion ekarpen-igoera parregarritzat kalifikatu dute. Aurrekontuan aurreikusten diren diru sarrerak nahikoa ez direla izango uste dute, Ongintza Patro­natuak eskai­n­tzen dituen zerbitzuak bermatzeko.

Bestalde, arlo urbanistikoan 2010erako egin diren diru sarrera aurreikuspenak oso «alaiak» dira PSE-EErentzat, eta ez du uste aurreikuspen horiek beteko direnik.

Atez Atekoari buruz, au­rre­kontu proiektuan ez da ja­so­tzen sistema martxan jartzeko kontratatutako per­tso­nalaren kostea, azaldu dutenez.

Azkenik, PSE-EE alderdia ez dago ados onartutako soldata igoerekin. Horiek konjelatzea proposatu dute, he­rri­tarrei eredua emateko.

EAJ

EAJk aurrekontu proiektuaren aurkako botoa eman zuen. Aurrekontuei emendakin osoa jarri diote 3 arrazoirengatik. Lehenik, ez daude ados Atez Atekoari emandako partidarekin. Hori ez dator bat, beraien ustez, zaborra kudeatzeko sistema horrek beharrezko duen finantziazioarekin, eta koste errealarekin.

Bestetik, Udaletxeak On­gin­­­tza Patronatuari egiten dion ekarpenarekin ez datoz bat. Beraien iritziz ekarpen horren bidez ezinezkoa da Zaharren Egoitza berria mar­txan jartzea, eta horretarako partida berezia eskatzen dute.

Azkenik, oso kezkagarriak dira beraientzat zenbait langilerekin gertatu omen diren ustezko irregulartasunak. Lan­gile hori­en lan baldintzak al­datzeko erabilitako dekretuak baliogabetzea eskatzen dute.

Gainera, Kirol Patrona­tua­ren aurrekontuari aurkeztutako emendakin par­tzialean, gaur egun kirol federatuak Her­nanin dituen be­har errealak aztertzeko ikerketa baterako partida eskatzen dute.

PP
PP alderdiak ere aurrekontu proiek­tuen kontra egin zuen. PPren esanetan, gaur egungo egoe­­ra politikoarekin, Popu­la­rrek ezin diote baiezkorik eman Ezker Abertzalearen au­rrekontuei.

Angladaren ustez Atez Atekoa zentzugabekeria bat da eta herritarrentzako karga ekonomiko haun­di bat besterik ez.

Onartezinak dira, bere ustez, zenbait langileren lan baldintzak alda­tu dituzten dekretazoak. Bere esanetan, funtzionarioen  esku­bi­deen kontrako erasoaz gain, Ple­noaren agintea mespre­txatzen dute.