HERNANIKO gazte olinpiadek protagonismo haundia izango dute asteburuan herrian, bi egunetarako proba ugari antolatu baitituzte. Guztira, larunbata eta igande artean, sei proba jokatuko dira, guztiak, Landare errugbi zelaian.
Hiru proba gaur,
goiz eta arratsalde
Azken orduko aldaketak direla eta, gaurko probak goizean eta arratsaldean jokatuko dira. Goizean, 10:30etan hasita, Bandera jokoa jokatuko da; eta arratsaldean, 17:30ak aldera hasita (errugbi partiduaren ostean), txitxare karerra eta mozkor karrera izango dira. Hala ere, adierazi dute, goizeko bandera jokoa luzatzen bada, finalak arratsaldean jokatuko direla. Eta baita ere, etxera joan nahi ez duenerentzat, bazkaltzeko aukera izango dela Landaren.
Igandean arratsaldean
izango dira probak
Bihar ere, hiru proba jokatuko dira Landaren zelaian, guztiak 16:00etan hasita: pañuelito, aulki jokoa eta tarta jaurtiketa.
Joan den asteko
puntu banaketa
Joan den asteko probei dagokienez, ginkana bertan behera geratu zen. Eta puntu banaketa egiterako orduan, antolatzaileek adierazi dute aurreneko 12ei lortutako puntuak eman dizkietela, eta gainontzeko guztiei 13 puntu.