Hernaniko DBHko ikastetxeak eta institutua fusionatzea erabaki du Eusko Jaurlaritzak. Asteartean onartu zuen dekretua Eusko Jaurlaritzako Gobernu Kontseiluak, Hezkuntza Sailburu Isabel Celaák hala proposatuta. Horren ondorioz, Hernanin desagertu egingo dira Urumea Ikastola DBH, Elizatxo Ikastola DBH, eta Langile Ikastola DBH zentroak, eta ikastetxe bakar batean integratuko dira: Hernani BHI.
Hernani BHI ikastetxeak eskainiko ditu, beraz: Derrigorrezko Bigarren Hezkuntza, Batxilergoa, eta Heziketa Zikloak.
Hernanin bezala, Eusko Jaurlaritzak fusioa agindu du beste herri batzuetan ere: Beasainen, Portugaleten, eta Gasteizen, hain justu. Eta hor sortuko ditu: Beasain BHI, Abatxolo IPI, eta Sansomendi IPI zentruak.
Datorren ikasturtetik aurrera
Hernaniko ikastetxeak eta gurasoak zain zeuden, Jaurlaritzak zer erabakiko, izan ere, datorren ikasturtetik aurrera martxan izango den zentrua da hau. Zentru bateratu honen aldekoak dira: Elizatxo, Urumea eta Hernaniko Institutuak, eta hasieratik kontra azaldu da Langile. Langilek protestak egin ditu azken hilabeteotan, Eusko Jaurlaritzaren asmo honen kontra, eta zenbait erakunderen babesa ere lortu dute: Gasteizko Parlamentuarena, eta Arartekoarena, besteak beste.