apirila ez da txarra izan Hernaniko langabezi datuentzat, kopurua jaitsi egin baita, bigarren hilabetez jarraian. Aurreko hilean ere jaitsi egin zen langabetu kopurua Hernanin (4 langabetu gutxiago), eta martxotik apirilera kopuru hori haunditu egin da
(24 gutxiago).
Dena dela, mila langabetutik dezente gora dago Hernanin kopurua, populazio aktiboaren %12 inguru. Langabetu gehiena zerbitzuetan dago, 689; industrian 253; eraikuntzan 126; eta nekazaritzan 8. Adin tarte zigortuena, 25-44 urtekoena da, 560 langabetu daude adin tarte horretan (282 gizonezko eta 278 emakumezko).
Kontratu berriak gutxiago
Apirilean 367 kontratu berri egin dira Hernanin; martxoan baino 22 kontratu gutxiago, eta 2009ko apirilean baino 65 gehiago. Kontratu gehien zerbitzuetan izan dira, 210; industrian 60; eraikuntzan 31; eta nekazaritzan 1. Kontratu mugagabeak 17 izan dira; eta aldi batekoak 350.
Gipuzkoan 40.366 langabetu
Jaitsi egin da langabetu kopurua Gipuzkoan ere, aspaldiko partez. Martxoan baino 1.313 langabetu gutxiago daude apirilean. Dena dela, iaz baino 3.966 gehiago dira; eta 2007an baino (langabezia gora hasi baino lehenago) 17.595 gehiago.