Eizagirrek irabazi, eta Alberdik bigarren, norbere kategorian

Nagore Eizagirre izan zen onena 42 kg bitartekoetan, eta Maddi Alberdi bigarren, 34 kg artekoetan. Alebinen Gi­puzkoako Txapelketan mai­la bikaina eman zuten hernaniarrek. Hirugarren saria lortu zu­tenak ere izan ziren: Ane Markina (37 kg), eta Iñigo Imaz (28 kg). Indarrean dira Herna­niko judokak, eta in­da­rrean, Hernaniko judoa. Asteburuan ikusi ahal izan dute kiroldegira inguratu direnek: larunbatean 340 ju­doka, benjamin mailako erakustaldian; eta igandean 235 judoka, alebin mailako Gi­puz­koako Txapelketan. Horien artetik, asko hernaniarrak. Taldean 135 lagun ari dira guztira, gazte eta hel­du. Eta bost irakasle. Tal­de bikaina, herri bakarrerako, Jone arduradunak dioenez. Nesken taldeak bigarren postua lortu zuen, Gi­puz­koako Txapelketan, taldeka. 30 dira; dezente, beste herrien paretsu. Eta taldea zabaldu nahi dute. Judoa probatu nahi duten gazteek (10-14 urte), aukera dute ekainera bitartean. Ki­rol­degiko bazkide izanez gero, sartu, eta probatzeko aukera jarriko zaie. Astele­he­ne­tik ostegunera, 19:00etatik 20:00etara.