«Garai ezberdinak, pertsona ezberdinak... baina, antzeko bizipenak dituzte etorkinek»

Gizarte Iker­ke­ta­rako Pro­mo­zio Institutu­a­­re­kin (GITE-IPES) elkarla­ne­an, Patrizia Muño­zek  zu­zen­du­ta­ko Eus­kal Herria hel­­muga dokumentala ikusteko auke­ra izango da gaur Hernanin. Do­ku­men­ta­le­an, Euskal Herrira bi une ez­ber­dinetan etorritako migrazioa agertzen da au­rrez au­rre: 1950 eta 1960 ha­markadetan etorritakoak in­dustrian lan egitera, eta gaur egun etorritakoak zerbitzu eta gainontzeko lanetara.
Muñozek aurreratutakoaren arabera, arrazoi ezberdinak zituzten lehengoek eta oraingoek, baina badituzte puntu komunak. «Ga­rai ez­ber­­dinak dira eta arrazoiak ere bai. Eta gainera, orain, globalizazioaren eraginez, ani­tza­goak dira arrazoiak, etorkinen taldea heteroge­-ne­o­agoa da. Baina dokumentalarekin konturatu gara arlo pertsona­le­an, bizipenak an­tzekoak di­re­la kasu guztietan. Zure he­rria atzean uzten duzu eta egoera berrira moldatu behar zara».
Dokumentalean oinarritutako hitzaldia antolatu du Na­tza kultur elkarteak inmigrazioaren gaia lantzeko, eta bi­deo emanaldiaren ondoren izan­go da hori. 19:30etan hasiko da Udaletxeko Areto Nagu­sian.

Historia berreskuratu nahian
Patrizia Muñozek azaldu duenez, GITE-k irudi batzuk eskuratu zituen Bilbon 60ga­rren urtean etorkinek bizilekutzat zituzten txabolen gainekoa, eta historia berreskuratu nahian, dokumentala egiteko proposatu zioten. Garai hartako ikuspegia lor­tzeko, egokia iruditu zi­tzai­on Periko Solabarria langile, sindikalista eta diputatu ohia el­ka­rriz­ketatzea. Hala konta­tzen du Solabarriak: «Asko mi­resten dut garai hartan eto­rritako jendea. Asko eman diote herri honi. Ez di­ra ezeren jabe egitera etorri, ez dira ezer konkistatzera etorri, lanera, bo­rro­kara eta bizitzera etorri ziren. Gurekin, Euskal Herri­a­rekin».

Gaur egun arrazoi
estrukturalak
Gaur egungo ikuspuntua biltzeko, berriz, Luz Amparo Pimiento La posada de los abrazos egitasmoko kidea elka­rriz­ketatzen du Muñozek do­­kumentalean. Izan ere, egi­tasmo horretan etorkinekin lan egiten dute, etxebizi­tzen  eta alokairuen kontuekin, besteak beste. «Lehengo txabolen gaur egungo ikuspuntua litzateke», dio zuzendariak.
Pimientok honakoa dio inmigrazioari buruz: «arrazoi nagusiak estrukturalak dira. Herrialde horietan da­goen inpunitatea sekulakoa delako eta ez dagoelako es­kubide politiko, ekonomiko, sozial, kultural eta ingurumenekorik. Eskubide gabezia horrek eraginda alde egiten dute masiboki herrialde horietatik».
Gaurko hitzaldian bi elkarrizketatuen esperientzia eza­­gutzeko aukera izango da zuzenean, Euskal Herria helmuga dokumentala ikusi ondoren, hitzaldian parte hartuko baitute.