Hernaniko herri olinpiadek aurrera jarraitzen dute, aurreko asteburuan taldeek atseden hartu ostean; eta asteburu honetan, hiru froga izango dituzte. Larunbatean, Ginkana eta Boxleyan hartuko dute parte talde guztiek, eta igandean, Briletean talderik onena zein den erakutsi beharko dute parte hartzaileek. Frogak 15:30etan hasiko dira. Azkeneko froga, maiatzaren 6an jokatutako patin lasterketa izan zen, eta horretan, urnietarrez osatutako Poxta Zahar taldeak irabazi zuen. Final oso parekatuan, urnietarrak izan ziren azkarrenak, jendez gainezka zegoen Kaxkoko zirkuitoan.
Putreak taldea aurretik
Bi froga jokatu ostean, Putreak taldeak lortu du, oraingoz, sailkapen orokorreko lehenengo postua.
Atzetik daude, Brugalkaba Mata eta Ardi Galduak taldeak lehenengo postu hori konkistatu nahian. Horretarako, asteburu honetan, lehenengoek 4 puntuko tartea kendu beharko diete liderrei eta bigarrenek 6 puntuko aldea.