hernaniarrak berriz ere, ilusioa berreskuratu, eta lan txukuna egiteko asmoarekin joango dira gaur Madrilera, estatu mailako Zazpiko Errugbi Txapelketa jokatzera. Alcobendaseko Jose Caballero kiroldegian izango da, hain zuzen 15:00etan. 18 talde izan dira aukeratuak eta guztira hiru serie jokatuko dira. Talde bakoitzak bi serietan hartuko du parte eta bukaeran finala izango da Madrilen. Gaurko seriean 12 taldek hartuko dute parte eta lau multzotan banatuko dira. Hernani D multzoan dago, Alcobendas eta Independienterekin. Emaitzen arabera, hurrengo partidua A multzoko baten kontra jokatuko dute. Azkeneko partidu horrek sailkapena osatzeko balioko du finaleko partidua jokatu aurretik. Zazpi jokalari eta partidu motzagoak Zazpiko errugbian 15 jokalarik jokatu beharrean 7k jokatzen dute. Arauak eta zelaiaren tamaina berdinak dira, baina partiduen iraupena 80 minutukoa izan beharrean 15ekoa da. Finalak, berriz, 20 minutu ingurukoak izaten dira. Hori dela eta, aukera izaten da txapelketak egun batean jokatzeko. yy