Martin Zabaleta Everestera igo zela 30 urte beteko dira gaur

Gaur 30 urte beteko dira Martin Zabaleta eskalatzaile hernaniarra Everestera igo zela eta balentria hura gogora ekartzeko, zenbait ekitaldi antolatu ditu Udalak, Na­ba­rralde, Txoriak Txori eta Jo­xan Goikoetxearen laguntzarekin. Goizeko 10:00etan eta arratsaldeko 17:00etan, Fer­nan­do La­rru­quertek zuzendutako Agur, Everest pelikula emango dute Biterin. Ondo­ren, 19:30etan, hi­tzaldi-mahain­gurua izango da Nabarralde elkartearen eskutik. Euskal Herria, Eus­ka­di, Nafar Estatua eta Baskonia kontzeptuak da hi­tzaldiaren izenburua. Horrez gain, argazki erakusketa dago ikusgai maia­tzaren 20ra arte, Biterin.

Bihar, elkarrizketa Kronikan
Martin Zabaleta egun, Mon­tanan bizi bada ere, Kro­ni­kak elkarrizketa egiteko mo­dua izan du eta biharko alean irakurtzeko aukera izan­go da. Zabaletak emozi­oz gogoratzen du Hern­a­nira iritsi zen egun hura: «Dena izan zen oso emozionantea. Jende oso ona ezagutu nuen egun horietan. Poza kalean zegoen eta ulertzen dut jendearen poza eta ilusioa, bai­na niretzako gehiegi izan zen. Egia esan, izugarria izan zen». Eta Everesten bertan bizitakoaz konta­tzen duenaren aurrerapen txiki bat, honakoa: «Tripodea ikusita nire barruak buelta eman zidan! Ton­to­rre­rako azken metroak laino artean egin genituen, eta nahiz eta urrutiago zegoela iruditu, laster gi­nen ton­torrean. Pozez besar­ka­tzen eta behekoei radioz dei­tzen hasi ginen esateko nola pasa genituen lehenengo momentuak. Denbora joaten da oso man­tso, lasaitasun sentsazioa, askatasuna, pa­kea... dira nagusi. Mundu ho­netatik kanpo egongo ba­zi­na bezala da, baina berriro errealitatera bueltatu behar duzu eta beheko bidea hartu behar da».