Patxi, zer du nere ordenadoreak?

«Nolako ordenadorea ero­­­­si­ko dut?», «Ondo insta­la­tu al dut programa?», «Zer du orain ordenado­reak?». Halako eta bes­telako gal­de­­rak eta kez­kak maiz izaten ditugu in­for­matika kontue­tan  eta no­ren­­gana jo ez daki­gula ibiltzen gara as­ko­tan. Orain bada zalantza ho­riek argitzen lagunduko di­gun pertsona, Patxi Marti­nez, hain zuzen. Informa­ti­ka aholkularitza eta lagun­tza­­ra­ko zerbitzu berria es­kain­tzen du Martinezek, do­an, Kzgunean.

Diagnosi zerbitzua
Martinez Informazio eta Ko­mu­nikazio Teknologia  (IKT) Aholkularia da eta bere ze­re­gina, zehazki, ho­na­koa da: ara­zoak dituzten ekipoen eta periferikoen diag­nosia egi­tea, hau da, nola dauden ikus­tea; orde­na­doreen eta periferikoen erosketan eta konfigura­zi­oan aholkatzea; hardwarea­ren instalazio ego­­kia egiaz­ta­tzea; software librea­ren, lizentziadun sof­t­wa­rearen eta sistema eragile libreen instalazioan lagun­tzea; eta hardware, software librea­ren eta sistema eragile libre eta lizentziadunen kon­figu­ra­­zio­an laguntzea.

«Konponketa leku bat ez»
Funtzionatzeko erari dago­kio­­nez, Martinezek azaldu du, zerbitzua jaso nahi due­nak zita hartu eta bertara joan behar duela ordenadore eta materialarekin. Eta inte­re­satuak bertan egon behar­ko du azalpenetatik ikas­te­ko. «Ez da konponketa leku bat. Ordenadorea ez dabil, he­men utziko dut eta gero pasako naiz bila... Ez. La­gun­tzeko zerbitzu bat da», az­pimarratu du Martinezek. Zi­taren iraupena ordubete­koa izaten da. Hitzordua telefonoz hartu daiteke 943 118 588an, www.kzgunea.net helbidean edota Biterira hurbilduta.

«Jendeak aprobetxatu beharko luke»
Eusko Jaurlaritzak eta Uda­lak jarri dute martxan zer­bi­tzu berri hori prueba pi­loto be­zala. Tolosan, Amurrion eta Ermuan ere bada. Mar­ti­nezek dionez, Jaurlaritzak ikusi zuen eskaera bazegoela eta orain probatzen ari dira nola funtzionatzen duen. Her­­nanin, astebetean bi per­tsona joan dira aholku eske Martinezengana, zitarekin, eta beste kontsulta txiki batzuk ere izan ditu. «Jen­de­ak aprobetxatu beharko luke. Aukera ona da eta gainera doakoa», gaineratu du.
Zerbitzua erabiltzeko, KZgu­­neko erabiltzailea iza­tea beharrezkoa da. Izan eze­an, zerbitzura hurbil­tzean be­te daiteke izen emate orria.