‘Hamar arrazoi’ eta ‘Atez ateko sistema’ lehen sarituak

joan den igandean, Atez Atekoaren inguruko bideo la­bu­rren lehiaketako sariak ba­na­tu ziren. Gaztetxoen kategorian, hau da, 8-12 urte bitartekoen lanen artean, Hamar arrazoi izeneko bideoak eraman zuen lehenengo saria. Egileak izan dira: Aritz Lizarraga, Janire Elorza, Ekain Perema, Ashok Martin, Andoni Saizar eta Alain Agirre.  Bigarren saria Eta zure etxean zer? grabaketak eraman zuen. Aritz Liza­rraga, Ane Macicior, Ander Rodriguez, Aroa Ciprian eta Ekaitz Insaustik egina da.
Gazteen kategorian, hau da, 12-16 urte bitartekoen ar­tean, Atez ateko sistema izan zen nagusi. Beñat San Sebas­tian, Ion San Sebastian, An­der Adu­riz eta Beñat Gar­tziak egin du­te bideoa. An­der Aldaregiak eta Vishal An­­sorenak egindako Atez atekoa izan zen kategoria horretako bigarren saritua.

500 eta 300 euroko baleak kirol dendetan erabiltzeko
Kategoria bakoitzeko bideo irabazleek 500 euro lortu dituzte Hernaniko kirol dendetan erabiltzeko, eta bigarrenek 300 euro. Sariak Porrotxek eta Marian Beitialarrangoitia alkateak banatu zituzten.