HERNANIKO waterpoloak egun garrantzitsua zuen, atzo; igoera play offa baitzuen mutilen talde nagusiak, Leioaren kontra. 10-6 galdu zuten hernaniarrek, eta ez dira mailaz igoko; baina ez daude erabat burumakur, «gertatu behar zuena gertatu da. Leioak talde hobea zuen; iaz lehenengo mailatik jaitsi ziren».
Dena dela, hernaniarrek, haiek espero baino lan gehiago eman diete bizkaitarrei. Play offeko lehenengo partidua 10-9 irabazi, eta Hernanik bentajarekin jokatu zuen atzo, Leioan. Azken laurdenera arte puntu batez irabazten joan ziren bizkaitarrak, eta kosta zitzaien, hernaniarrak menderatzen. Bukaeran 10-6, Leioa nagusi.
Euskal Herriko Kopa hasi dute orain Hernaniko bi taldeek, neskak eta mutilek.