Zer moduz dijoa Gure Artean Euskaraz egitasmoa?
Oso ondo. Orain arteko esperientzia motza izan da, baina primeran nabil. Ni euskaltegian ari naiz eta segituan hasi nintzen euskera ikasten; izan ere, hizkuntzak asko gustatzen zaizkit, eta herrian integratzeko, egitasmo hau aprobetxatzea erabaki nuen. Batez ere, jendearekin hitz egin eta esamoldeak ikasteko. Euskera zaila da ikasteko eta euskaltegikoa askotan ez da kalean ibiltzen dena. Egitasmo ona da Gure Artean Euskaraz.
Balio izan dizu? Emaitzekin pozik zaude?
Esperientzia motza izan denez, ezin dut askorik esan, baina nabaritzen da ´soltura` hartzen duzula. Gainera, jendeak beldurra dio euskera ikasteari, baina praktikaren bidez ez da hain zaila. Hizkuntzak praktikaren bidez ikasten dira eta jendeari esango nioke egitasmoan parte hartzeko.
Garrantzitsua iruditzen zaizu euskera ikastea?
Bai. Nik lanean ez dut behar, baina beste lantokietan garrantzitsua da. Horrez gain, ondo dago jendearekin harremanak sortu eta indartzeko. Nahiz eta gazteleraz moldatu, eskeraz beste begi batzuekin begiratzen dizute. Onartzen dute integratzeko egiten den esfortzua.
Zer esango zenioke euskera zaila dela esaten duenari?
Beste hizkuntzak bezalakoa dela. Bere zailtasun puntu berezia dauka, baina logikaren bidez eta pixka bat pentsatuta ateratzen duzu. Ikasi behar duenari esango nioke animatzeko eta beldurrak uxatzeko.